అటు అగ్ర కథానాయకులతోనూ ఇటు కుర్ర హీరోలతోనూ వరుస చిత్రాలను నిర్మిస్తున్న నిర్మాత దిల్‌రాజు. యూత్‌ పల్స్‌ తెలుసుకున్న ఆయన వాళ్ల అభిరుచికి తగిన చిత్రాలను అందిస్తూ సక్సెస్‌ఫుల్‌ నిర్మాతగా రాణిస్తున్నారు. అయితే చాలా కాలంగా ఆయన పవన్‌కళ్యాణ్‌తో సినిమా తీసే అవకాశం కోసం ఎదురుచూస్తున్నారు. కానీ పవన్‌ అసలు సినిమాలే తక్కువగా చేయడం వాటి షూటింగ్‌ ఎక్కువకాలం కొనసాగించటం తర్వాత డేట్స్‌ సమస్య తలెత్తడం ఇలా ఎన్నో కారణాలు వీరి కాంబినేషన్‌ కోసం ఎదురుచూస్తున్న అభిమానులకు నిరాశ కలిగించాయి. ఇక తాజాగా అందిన సమాచారం ప్రకారం దిల్‌రాజు నిరీక్షణ ఫలించినట్టు తెలుస్తోంది. దిల్‌రాజు సినిమా చేసేందుకు పవన్‌ గ్రీన్‌ సిగల్‌ ఇచ్చినట్టు చెబుతున్నారు. అయితే ఈ సినిమా వచ్చే ఏడాది ఉండొచ్చని అంటున్నారు. ఎందుకంటే గబ్బర్‌సింగ్‌ చిత్రం తర్వాత పూరి దర్శకత్వంలో 'కెమరామెన్‌ గంగతో రాంబాబు' చేయనున్నాడు. ఆ తర్వాత త్రివిక్రం దర్శకత్వంలో ఓ సినిమా శ్రీనువైట్ల దర్శకత్వంలో ఓ సినిమా ఆయన కమిట్‌ అయ్యాడు. కాబట్టి ఈ మూడు సినిమాల తర్వాతే దిల్‌రాజు సినిమా ఉంటుందని తెలుస్తోంది.