ఉత్తర అమెరికా తెలుగు సమితి వారి మొట్టమొదటి మహాసభలు "నభూతో నభవిష్యతి" అన్న రీతిలో జరిగేట్టుగా అన్ని ఏర్పాట్లు ముమ్మరంగా సాగుతున్నాయి. ఈ మహాసభలకి 1.3 మిలియన్ డాలర్లు బడ్జెట్ గా టెక్సస్ రాష్ట్రం లోని హ్యూస్టన్ మహానగరంలో ఉన్న అత్యుత్తమ కన్వెన్షన్ సెంటర్ అయిన జార్జ్ ఆర్. బ్రౌన్ కన్వెన్షన్ సెంటర్ ను ఈ మహాసభలకి నెలవుగా అద్భుతమైన రీతిలో తెలుగు సంస్కృతీ సాంప్రదాయాలను గౌరవిస్తూ తెలుగు వారందరికీ గర్వకారణంగా జూన్ 29 30 జూలై 1 తేదీలలో మూడు రోజుల పాటు ఈ పండుగ జరగబోతోంది. "సాంస్కృతిక వికాసమే నాట మాట సమాజసేవయే నాటా బాట" అన్న నినాదం అక్షరాలా పాటిస్తూ మహాసభలకు విచ్చేసే తెలుగు వారందరినీ సాంస్కృతిక విందుతో తమ మాతృభూమిని గుర్తుచేసే విధంగా ఈ సభలు అలరించనున్నాయి.

2 మిలియన్ల చదరపుటడుగుల కన్వెన్షన్ స్థలం తెలుగు అందాలతో సర్వాంగ సుందరంగా అలంకరించబడగా 130 కి పైగా బిజినెస్ వెండార్స్ పెట్టే దుకాణాలతో 2 పెద్ద వేదికలపై 100 కు పైగా నిరంతరం జరిగే సాంస్కృతిక సాహిత్య సంగీత కార్యక్రమాలతో పాటుగా 100 చిన్న వేదికలు వాణిజ్య వైద్య మహిళా యువత భక్తి వేదాంత క్రీడా తదితర రంగాలలో ఎన్నో కార్యక్రమాలతో అప్పటికప్పుడు అక్కడిక్కడ రుచిగా శుచిగా చేసిన తెలుగు వంటలు ఉదయం మధ్యాహ్నం రాత్రి 2 పెద్ద డైనింగ్ హాల్స్ లో తృప్తిగా భోంచేస్తూ వచ్చిన తెలుగు వారు మైమరచిపోతారని మహాసభల కార్యకర్తలు హామీ ఇస్తున్నారు.

ఈ మహాసభలకు ఉదారంగా విరాళాలు ఇచ్చిన ఇవ్వబోయే దాత ల కోసం పక్కనే ఆనుకుని ఉన్న "5 స్టార్" రేటింగ్ ఉన్న గొప్ప హోటల్ హిల్టన్ అమెరికాస్ లో 300 గదులు కేటాయించారు. అంటే కాక మహాసభలకి వచ్చే తెలుగు వారందరికీ తక్కువ ధరతో గదులు అందే విధంగా హిల్టన్ వారు సహకరిస్తున్నారు. అంతే కాకుండా దగ్గరలోనే ఉన్న మరో రెండు హోటళ్లు ఎంబసీ సూట్స్ హాలిడే ఇన్న్ హోటల్స్ కూడా తక్కువ ధరకు గదులు ఇస్తాయి.

హ్యూస్టన్ మహానగరంలో చూడతగ్గ ప్రదేశాలు కూడా చాలా ఉన్నాయి. ప్రపంచ ఖ్యాతి పొందిన నాసా తో పాటు సాన్ జసింటో మాన్యుమెంట్ టెక్సాస్ మెడికల్ సెంటర్ శ్రీ మీనాక్షి దేవాలయం పక్కనే ఉన్న గాల్వేస్టన్ దీవి కొన్ని ముఖ్యమైనవి. రండి ఆనందించండి ఆస్వాదించండి. పూర్తి వివరాలకు నాటా మహాసభల వెబ్ సైట్ www.nata2012.org చూడండి.